ZENITH travel & tours

Aktiviteti i Zenith Travel ka nisur që në vitin 1992, themeluar nga babai i familjes Sula i cili filloi transportin për herë të parë nga qyteti i Skraparit. Ai kishte vizionin dhe dëshirën për të ofruar dhe mundësuar një udhetim jo vetëm të rehatshëm por dhe me çmime të përballueshme. Pasi puna zhvillohej hap pas hapi, së bashku me djemtë e tij, ata krijuan një kompani në industrinë e turizmit të quajtur Zenith Travel me qendër në Tiranë. Mbas 20 vitesh, ne vitin 2012 krijohet agjensia e mirëfilltë turistike Zenith. Në vitin 2016, përveç udhëtimeve tokësore, agjensia jonë i mundësoi miqve tanë udhëtarë, mundësinë e udhëtimeve të organizuara me avion dhe paketat individuale, të menduara dhe ideuara për kerkesat e klientëve tanë. Në vitin 2021, agjensia jonë e bëri më të lehtë “shfletimin” e katalogut të produkteve që ofrojmë, pasi gjithë informacionet e nevojshme, u publikuan online dhe zyrtarisht filluam shërbimin si “Tour Online Operator”.